Дайындықты Ішкі істер министрінің орынбасары Айдар Сайтбеков тексерді
Қазақстан Республикасы Ұлттық ұланының № 5573 әскери бөлімінде қоғамдық тәртіпті қамтамасыз ету үшін қызметке кірісетін Астана қаласы полиция департаментінің кешенді күштері мен құралдарының жалпы гарнизондық жиыны өтті. Бұл туралы Azattyq Rýhy агенттігі Polisia.kz-ке сілтеме жасап хабарлайды.
Жеке құрамның қойылған міндеттерді орындауға дайындығын Ішкі істер министрінің орынбасары Айдар Сайтбеков тексерді.
Қызметкерлерге жедел жағдай туралы жеткізіліп, қылмыстар мен құқық бұзушылықтардың алдын алуға, қала тұрғындарының қауіпсіздігін қамтамасыз етуге, азаматтардың құқықтары мен заңды мүдделерін сақтауға ерекше назар аударылып, нұсқама берілді.
Сондай-ақ елорда аумағында өткізіліп жатқан «Құқықтық тәртіп» жедел алдын алу іс-шарасына ерекше ден қойылды.