Отандасымыз күміс медаль жеңіп алды
Желіде Нариман Құрбановтың достары отандасымыздың тарихи жеңісін – 2024 жылы Парижде өткен Олимпиада ойындарында күміс медаль жеңіп алғанына қуанғаны сәтінен видео жарияланды, деп хабарлайды Azattyq Rýhy.
Кеше 26 жастағы Нариман Құрбанов спорттық гимнастикада Олимпиада ойындарының медалін жеңіп алған Қазақстан тарихындағы алғашқы спортшы болды. Оның жаттықтырушысы – әкесі Хусанжан Құрбанов.
Нариман 15.433 ұпай жинап, күміс медаль жеңіп алды. Қазақстан заңнамасына сәйкес, күміс медалі үшін ол 150 мың доллар көлемінде ақшалай сыйақы алады.