Мемлекетке 212 мың гектар аңшылық алқап қайтарылды
Кінәлі тұлғалар тәртіптік жауапкершілікке тартылды
Қостанай облысында мемлекетке аңшылық алқаптар қайтарылды, деп хабарлайды Azattyq Rýhy.
Қостанай облысының табиғатты қорғау прокуратурасы тексеру барысында 2011 жылы «Сильвер СК» ЖШС-не Қамысты ауданының аумағында 212 мың гектар алқапты аңшылық шаруашылығын жүргізуге құқық бергені анықталды.
«Жоғарғы Соттың 2022 жылғы 22 қарашадағы шешімімен «Сильвер СК» ЖШС банкрот деп танылған және толыққанды қорықшылық қызметті ұйымдастыру үшін ресурстары болмаған. Алайда, уәкілетті орган тарапынан жерді мемлекет қарамағына қайтару жөнінде шаралар қабылдамаған. Прокурорлық қадағалау актісі бойынша аңшылық шаруашылығын жүргізуге арналған шарт бұзылды», - деп хабарлады прокуратура.
Кінәлі тұлғалар тәртіптік жауапкершілікке тартылды.
Серіктес жаңалықтары
Көп оқылған
Редактордың таңдауы
