Коронавирус жұқтырған тағы 8 адам тіркелді
Коронавирус инфекциясын жұқтырған тағы 8 адам тіркелді, оның ішінде Нұр-Сұлтан қаласында - 4, Жамбыл облысында - 3, Қызылорда облысында - 1, деп хабарлайды Azattyq Rýhy тілшісі coronavirus2020.kz-ке сілтеме жасап.
«Осы сағатта Нұр-Сұлтан қаласы бойынша 605 адам, Алматы қаласында – 919, Шымкент қаласында – 176, Ақмола облысында – 95, Ақтөбе облысында – 65, Алматы облысында – 113, Атырау облысында – 128, Шығыс Қазақстан облысында – 17, Жамбыл облысында – 111, Батыс Қазақстан облысында – 126, Қарағанды облысында – 139, Қостанай облысында – 43, Қызылорда облысында – 187, Маңғыстау облысында – 32, Павлодар облысында – 120, Солтүстік Қазақстан облысында – 30, Түркістан облысында – 121, жалпы 3027 науқас тіркелді», - деп жазылған хабарламада.
Айта кету керек, коронавирустан 727 адам жазылып шықты. Індеттен 25 адам қайтыс болған.