Өзге шаһарларда метеорологиялық жағдай қалыпты
Бүгін еліміздің екі қаласында ауа сапасы нашарлайды, деп хабарлайды Azattyq Rýhy.
«Қазгидромет» РМК мәліметінше, ауаның ластануының қолайсыз метеорологиялық жағдайлары 8 шілде, дүйсенбіде Ақтөбе мен Атырауда күтіледі.
Қолайсыз метеожағдайлар - атмосфералық ауаның беткі қабатында зиянды (ластаушы) заттардың жиналуына ықпал ететін қысқа мерзімді метеорологиялық факторлардың жиынтығы.
Қолайсыз метеорологиялық жағдайлар пайда болған кезде елді мекендердегі атмосфералық ауа сапасының нашарлауы мүмкін. Ластану деңгейінің қалыптасуын анықтайтын маңызды факторлардың бірі - синоптикалық жағдайдың болжамы (жел, жауын-шашын, ылғалдылық, ауа температурасы).