Бүгін еліміздің басым бөлігінде күн райы құбылмалы болады
Дүйсенбі күні еліміздің кей жерлерінде тұман түсіп, желдің күшеюі күтіледі. Республиканың басым бөлігінде күн райы құбылмалы болады. Бұл туралы «Қазгидромет» РМК баспасөз қызметі жария етті.
«Атмосфералық ауа ағындарының өтуіне байланысты кей жерлерде найзағай ойнап, жаңбыр жауады, тек оңтүстік пен оңтүстік-шығыста күн ашық болады», - делінген хабарламада.
Қызылорда, күндіз Ақмола, Қостанай облыстарының кей жерлерінде найзағай жарқылдайды, желдің жылдамдығы 15-20 м/с жетеді, түнде Қостанай облысының кей жерлерінде тұман түсуі ықтимал.
Күндіз Солтүстік Қазақстан, Павлодар, Қарағанды облыстарының кей жерлерінде жел 15-20 м/с күшейеді.
Маңғыстау, Атырау, Батыс Қазақстан облыстарының кей жерлерінде найзағай, тұман күтіледі.