Аталған аумақта жол төсемінің төменгі қабатын төсеу жұмыстарын жүргізу жоспарланып отыр
Астанада Қабанбай батыр мен Ұлы Дала даңғылдарының қиылысы жөндеуге жабылады, деп хабарлайды Azattyq Rýhy Астана әкімдігінің ресми сайтына сілтеме жасап.
«Елордалық Көлік және жол-көлік инфрақұрылымын дамыту басқармасы Қабанбай батыр даңғылы мен Ұлы Дала даңғылының қиылысында жол төсемінің төменгі қабатын төсеу жұмыстарын жүргізуді жоспарлап отыр», - делінген ақпаратта.
Жұмыстарды жүргізуге байланысты осы жылдың 13 маусымы сағат 21:00-ден 14 маусым күні сағат 23:00-ге дейін Қабанбай батыр даңғылы мен Ұлы Дала даңғылының қиылысында көлік құралдарының қозғалысы толығымен жабылады.
Елорда тұрғындары мен қонақтарынан қала жолдарындағы кептелістерді болдырмау мақсатында өз маршруттарын алдын ала жоспарлауды сұрайды.