Оқиға өткен түнде сағат 22:23-те болды
Қарағанды маңында 8 маусымға қараған түні үш көлік соқтығысты. Оқиға салдарынан бес адам қаза тауып, тағы үшеуі ауруханаға жатқызылды, деп хабарлайды Azattyq Rýhy.
Қарағанды облысы полиция департаментінің баспасөз қызметінің мәліметінше, апат Дубовка кентінің маңындағы Қызылорда-Павлодар автожолының 931-ші шақырымында болған. Сағат 22:23-те бұрылыста Audi, Chevrolet Cobalt және Toyota Previa соқтығысты.
Апат салдарынан төрт жолаушы мен 22 жастағы Chevrolet cobalt көлігінің жүргізушісі алған жарақаттарынан көз жұмды. Audi көлігінің 21 жастағы жүргізушісі, оның 17 жастағы жолаушысы және Toyota Previa көлігінің 39 жастағы жолаушысы медициналық мекемеге жеткізілді.
«Қылмыстық іс қозғалды. Тиісті сараптамалар тағайындалды. Қарағанды облысының полиция департаменті жүргізушілерге жол ережесін сақтау қажеттігін еске салады. Шынында да, жол қозғалысының барлық қатысушыларының өмірі осыған байланысты», - деп хабарлады полиция.
Қарағанды облысы денсаулық сақтау басқармасының баспасөз қызметінде ауруханаға жатқызылғандардың жағдайы туралы түсініктеме берілді. Ведомствоның мәліметінше, зардап шеккен екі адам тұрақты ауыр жағдайда ауруханада жатыр. Қалғандары амбулаториялық емделуге жіберілді.