Оққа ұшыраған Словакияның премьер-министрі қастандық жасаған қылмыскерді кешіретінін айтты

Словакияның премьер-министрі Роберт Фицо өзіне жасалған қастандық әрекеттен кейін ауыр жарақат алғаннан соң алғашқы бейнеүндеуін жариялады. Ол қылмыскерге ешқандай кек сақтамайтынын айтты, деп хабарлайды Azattyq Rýhy Euronews-ке сілтеме жасап.

Роберт Фицо сәрсенбі күні үш апта бұрын болған қастандықтан кейін алғашқы рет интернетте бейнеүндеу жариялады. Бұл үндеу Еуропарламент сайлауының алдында оның Facebook парақшасында жарияланды.

Фицо шабуыл оның денсаулығына ауыр зақым келтіргенін және бірнеше апта ішінде жұмысқа қайта оралатынын айтты.

Фицо 15 мамырда ел астанасы Братиславаның солтүстік-шығысында 140 шақырым жерде орналасқан Гандлова қаласында өз жақтастарын қарсы алған кезде оққа ұшырап, ауруханаға түскен еді. Күдікті қамауға алынды.

Премьер-министр жаз ортасында жұмысқа оралуы тиіс екенін мәлімдеп, шабуылдаушыға ешқандай кек сақтамайтынын айтты.

«Мен оны кешірдім», - деді Роберт Фицо.