Алаяқтар БҚО әкімінің атынан жалған хабарлама таратып жатыр

Онда өңір басшысына тиесілі емес нөмір көрсетілген

Фото: istockphoto.com

WhatsApp қосымшасында Батыс Қазақстан облысының әкімі Нариман Төреғалиевтің атынан жалған хабарлама таралуда. Алаяқтар өңір басшысына тиесілі емес нөмірді көрсеткен. Бұл туралы БҚО әкімінің баспасөз қызметінен мәлім етті, деп хабарлайды Azattyq Rýhy.

Әкімнің баспасөз қызметінен хабарланғандай, қазіргі кезде белгісіз біреулер WhatsApp мессенджерінде облыс әкімінің атынан тұрғындарға хабарлама таратуда.

«Аталған хабарламалардың жалған екендігін мәлімдейміз. Облыс әкіміне тиесілі ондай нөмір жоқ. Аталған хабарламаларға сенбеу және күдікті сілтемелерге өтпеу керектігін еске саламыз», - делінген хабарламада.

Мақалада

#алаяқтық #БҚО #әкім #Нариман Төреғалиұлы #жалған хабарлама

Алдыңғы жаңалық

Бүгін елімізде ауа райы қандай болады