Нариман Құрбанов алтын медаль иеленді
Варнада өтіп жатқан жарыста қоржынымыз 2 алтын және 1 қола жүлдемен толықты, деп хабарлайды Azattyq Ruhy Қазақстанның гимнастика федерациясына сілтеме жасап.
Ұлттық құрама үздігі Нариман Құрбанов гимнастикалық ат снаряды жаттығуы финалында 15.433 ұпаймен қарсылас шақ келтірмей, алтын медаль иеленді.
Ал еркін жаттығуы финалында Дмитрий Патанин 14.033 ұпаймен тұғыр биігінен көрінсе, тағы бір отандасымыз Асан Сәлімов 13.533 ұпаймен үздік үштікті түйіндеді.