Пойыздың алғашқы суреттері жарияланды
Футболдан Еуропа чемпионаты Германияда 14 маусым мен 14 шілде аралығында өтеді. Алдағы сейсенбіде Deutsche Bahn арнайы қалааралық «футбол пойызын» іске қосады. Бұл туралы Azattyq Ruhy агенттігі Bild басылымына сілтеме жасап хабарлайды.
Пойыз Германияның Майндағы Франкфурттен Берлинге дейін барады. Содан кейін ол бүкіл Германияда, тіпті Австрияда әртүрлі бағытта жұмыс істейтін болады. Пойызда 444 орын бар.
Қазір пойыздың алғашқы суреттері жарияланды. Оның іші де, сырты да Еуропа чемпионаты туралы плакаттармен, сызбалармен безендірілген. Төрт орындығы бар әрбір үстел футбол алаңы сияқты жасалған. Онда жолаушылар үстел футболын ойнай алады.
Сол сияқты жиналмалы үстелдер де ойын алаңы ретінде жасалған. Мысалы, Берлиндегі Олимпиада стадионындағы орын саны немесе Криштиану Роналду үшін Еуропа чемпионатындағы ойындар саны туралы мәліметтер бар.