ХАМАС ұйымы мәлімдеме жасады
Палестинаның ХАМАС ұйымы Түркия президенті Режеп Тайып Ердоғанға алғыс білдірді. Бұл туралы Azattyq Ruhy агенттігі TRT басылымына сілтеме жасап хабарлайды.
Ердоғанның Түркияның Ұлттық Мәжілісіндегі сөздерінен кейін Хамас жазбаша мәлімдеме жасады.
«Түркиядағы «Ұлттық күштер» Тәуелсіздік соғысы (1919-1923) кезінде қалай болса, ХАМАС та дәл сондай» деген Ердоғанның сөздерін ХАМАС ұйымы жоғары бағалады.
ХАМАС мәлімдемесінде «Президент Ердоғанның батыл мәлімдемелері мен ұстанымы бауырлас түрік халқының тарихи және бірегей ұстанымын көрсетеді. Халқымыз бұл мәлімдемелерді халқымыздың өз жерін азат ету, сол жерге оралу және астанасы Иерусалим болатын тәуелсіз мемлекет құру құқығын қолдау күресінде батыл үн ретінде есте сақтайды» деп айтылды.