Ресей азаматын ҰҚК Шекара қызметінің қызметкерлері ұстады
Қазақстандық шекарашылар Алматы әуежайында Внуково әуежайынан рейс келген кезде іздеуде жүрген ресейлікті ұстады. Бұл туралы Azattyq Ruhy агенттігі Polisia.kz-ке сілтеме жасап хабарлайды.
Мемлекетаралық іздеуде жүрген 32 жастағы Ресей азаматын 11 сәуірде ҰҚК Шекара қызметінің қызметкерлері ұстады.
Ер адам 2023 жылдың қыркүйегінде Тәжікстан азаматтары мен азаматтығы жоқ адамдарды қарулы бөлімдерге, қарулы қақтығыстарға немесе басқа мемлекеттер аумағындағы әскери іс-қимылдарға заңсыз тартқаны және қатысқаны үшін мемлекетаралық іздеуге жарияланған.
Қазіргі уақытта ұсталған азамат уақытша ұстау изоляторына қамалды. Оны экстрадициялау мәселесі шешілуде.