Вакцина алдағы тұмау көп тарайтын кезеңге арналған
Мемлекеттік бюджет есебінен тұмауға қарсы 1,8 млн вакцина дозасы сатып алынған. Бұл туралы Денсаулық сақтау министрлігінің Тауарлар мен көрсетілетін қызметтердің сапасы мен қауіпсіздігін бақылау комитеті төрағасының орынбасары, еліміздің бас санитарлық дәрігері Жандарбек Бекшин хабарлады.
«Қазан айында тұмауға қарсы вакцина салу басталды. Осы мақсатта 1,8 млн вакцина дозасы сатып алынды. Оған Үкімет 1,6 млрд теңге жұмсады», - деді Жандарбек Бекшин.