«Құқықтық көмек» жобасы бойынша 6 мың адам көмек алған

Астанада азаматтардың құқықтық сауаттылығын арттыру мәселелері талқыланды

«Құқықтық көмек» жобасы бойынша 6 мың адам көмек алған
Видеодан кадр / astanatv.kz

Елімізде «Кұқықтық көмек» жобасы іске қосылғаннан бері 6 мыңға жуық адам құқықтық сауаттылық бойынша кеңес алған, деп хабарлайды Azattyq Ruhy агенттігі «Астана» телеарнасына сілтеме жасап.

Астанада азаматтардың құқықтық сауаттылығын арттыру мәселелері талқыланды.

«AMANAT» партиясының өкілдері, судьялар, сарапшылар мен заңгерлер халық арасында еңбек дауларын шешу, алимент төлеу және басқа да өзекті тақырыптарды қаузады.

Қазір халыққа әлеуметтік-еңбек дауларын өз бетінше шешу жолдары түсіндіріліп жатыр.

«Халықтың құқықтық сауаттылығын арттыру мәселесіне орай «AMANAT» партиясы дөңгелек үстел ұйымдастырды. Түрлі сала мамандарымен халық арасындағы әлеуметтік-еңбек даулары мәселелері талқыланды. Бүгінде «Кұқықтық көмек» жобасын жүзеге асыру аясында «АМАNАТ» партиясы 2 жарым мыңнан астам азаматты қабылдады. Олар алимент, жалақының төленбеуіне, еңбек даулары бойынша қабылдауға келеді», - деді «AMANAT» партиясы республикалық қоғамдық қабылдау бөлмесі меңгерушісінің орынбасары Ардан Аралбай.

×
Бұл желілік ресурстың ақпараттық өнімдері 18 жастан асқан адамдарға арналған.