Кей өңірлерде қар жауып, бұрқасын болады
Синоптиктер 13 ақпанда арналған ауа райы болжамын жариялады, деп хабарлайды Azattyq Ruhy.
«Қазақстан аумағының басым бөлігіне антициклонның жотасы әсерін тигізеді, соған байланысты жауын-шашынсы ауа райы бақыланады», - делінген «Қазгидромет» РМК хабарламасында.
Тек еліміздің батыс, солтүстік-батыс, және оңтүстік-шығыс аудандарында атмосфералық фронттардың әсерінен жауын-шашын (қар, жаңбыр) түрінде, бұрқасын, көктайғақ болады.
Республика бойынша тұман, көктайғақ болып, жел күшейеді, солтүстік-батыста, солтүстікте, қатты боран соғып, бұрқасын болады.
Астанада көшпелі бұлт шығады, жауын-шашынсыз ауа райы болады, жел 9-14, екпіні 15-20 м/с жетеді. Ауа температурасы түнде -21...-23°C, күндіз -8...-10°C болвды.
Алматыда көшпелі бұлт шығады, жауын-шашынсыз, жел 5 м/с күшейеді. Ауа температурасы түнде -5...-7°C, күндіз +1...+3°C.
Шымкентте көшпелі бұлт шығады, жауын-шашынсыз, жел 3-8 м/с. Ауа температурасы түнде 0…-2°C, күндіз +13…+15°C.