Ал Күнсұлу Закария Президенттің кеңесшісі лауазымын иеленді
Мемлекет басшысының өкімімен Ақылбек Күрішбаев Қазақстан Республикасының Ұлттық ғылым академиясының президенті лауазымына тағайындалды, деп хабарлайды Azattyq Rýhy Ақордаға сілтеме жасап.
«Мемлекет басшысының өкімімен Ақылбек Қажығұлұлы Күрішбаев Қазақстан Республикасының Ұлттық ғылым академиясының президенті лауазымына тағайындалды»,- деп жазылған Ақорданың ресми сайтында.
Ал бұған дейін ҰҒА президенті қызметін атқарған Күнсұлу Дальтонқызы Закария Мемлекет басшысының өкімімен Қазақстан Республикасы Президентінің ғылым және инновациялар мәселелері жөніндегі кеңесшісі болып тағайындалды.