Түркістан облысында 1500-ге жуық адам жұмыстан шығарылды
Мектеп директорлары мыңға жуық қызметкерге өтемақы төлемеген
Түркістан облысында мектептің күзетшілері жаппай жұмыстан шығарылған. Ал Білім беру ұйымдары жұмыссыз қалған қызметкерлеріне тиесілі өтемақыны аудармаған, деп хабарлайды Azattyq Ruhy.
Түркістан облысының прокуратурасының хабарлауынша, Білім және ғылым министрінің бұйрығымен білім беру саласындағы қызметті жүзеге асыратын объектілер террористік тұрғыдан осал объектілерге өтуіне байланысты, оларды күзету жеке күзет агенттіктеріне берілген.
Бұл құқықтық өзгерістердің салдарынан Түркістан облысының білім беру бөлімдері мектептегі 1 473 мектеп күзетшімен еңбек шарттарын біржақты бұзған.
«Алайда жұмыс беруші енбең заңнамасының талаптарын бұза отырып, 934 жұмысшыға тиісті өтемақыны төлемеген. Қолданылған шаралармен бір айдағы орташа жалақы мөлшерінде, барлығы 115 млн теңге өтемақы төлемдері аударылды», - делінген Түркістан облысы прокуратурасының хабарламасында.
