Бүгін еліміздің басым аумағында жауын-шашынды ауа райы болады

Синоптиктер 4 желтоқсанға арналған ауа райы болжамын жариялады, деп хабарлайды Azattyq Ruhy.

«Бүгін Қазақстанның басым бөлігі циклон ықпалында болады, соған байланысты атмосфералық фронттар ықпалымен жаңбыр мен қар түрінде жауын-шашын жауады, еліміздің  солтүстігінде, шығысында көктайғақ, бұрқасын болуы мүмкін», - делінген «Қазгидромет» хабарламасында.

Республика бойынша тұман түсіп, жел күшейеді.

Тек еліміздің оңтүстік-батысында, оңтүстігінде антициклонның ықпалымен жауын-шашынсыз ауа райы болады.

Павлодар облысының батысында, солтүстігінде, оңтүстігінде кей уақытта жел жылдамдығы 30 м/с немесе одан да аса қатты болуы мүмкін.

Астанада қар түріндегі жауын-шашын күтіледі, күндіз ауа температурасы -5-7°C болады. Жел жылдамдығы 10-15 м/с, екпіні 20 м/с күшеюі мүмкін.

Алматыда жауын-шашын жауады, күндіз ауа температурасы 8+10 °C болады. Жел жылдамдығы 2-7 м/с жетеді.

Шымкентте күн бұлтты, күндіз термометр +13+15°C дейін көтеріледі.