Кәсіпорындағы 11 ғимарат апатты жағдайда тұр
Оралдағы жылу электр орталығын жаңғыртуға бес жылда 61 млрд теңге жұмсалады. Орталықтың 88 пайызы тозған. Кәсіпорындағы 11 ғимарат апатты жағдайда тұр. 250 шақырымнан асатын жылу желілерінің тең жартысы ескірген, деп хабарлайды Azattyq Rýhy Хабар 24 арнасына сілтеме жасап.
Қомақты қаражатқа осы түйткілдерді кезең-кезеңмен шешу жоспарланып отыр. Биыл шаһарда жаңа құрылғы іске қосылып, Жайық өзенінен техникалық мақсатта алынатын су көлемі азайды. Ал Зачаганск кентінде жаңа қазандық орнату жұмыстары жақында аяқталады.
«2028 жылға дейін сәйкесінше осы жұмыстарды атқарған кезде Орал жылу электр орталығының тозуын 60 пайызға дейін түсіру көзделіп отыр. Жылу электр орталығы мен қазандықтарды қосқанда мыңға жуық Гкал жылу энергиясын өндіреміз. Бұған шектеліп тұрған жоқпыз. Көбейту жұмыстарын көздеп отырмыз. Біріншіден, №1, 2, 3 энергоблоктарын реканструкциялау. Тағы да қосымша №3 турбинаны реконструкциялау», - деді БҚО энергетика және ТҮКШ басқармасының басшысы Мирас Мүлкәй.