Алматыда шетелдік туристер ағыны бірден 73 пайызға өскен

Алматыда шетелдік туристер ағыны бірден 73 пайызға өскен. Бұл туралы қалалық туризм басқармасы мәлімдеді, деп хабарлайды Azattyq Ruhy. 

"2023 жылы бірінші жарты жылдықта қалаға келуші шетелдік туристер саны 72,6 пайыз (261,6 мың адам) болған", - деп жазылған хабарламада.

Сонымен қатар ішкі туристер ағыны да едәуір өсіп, 24,6 пайызға (710,6 мың адам) жеткен. 

"БАӘ, Катар, Кувейт, Иран, Үндістан, Оңтүстік Корея, Ұлыбритания және Германиядан келген шетелдік туристер ағынының өскені байқалады", - делінген әкімдік хабарламасында.

Жыл соңына дейін Алматыға келетін шетелдік туристер саны 500 мыңға жетеді деп күтіледі.