Кем дегенде 5 674 адам зардап шеккен
Мароккодағы жер сілкінісінен қаза тапқандар саны 2 946-ға жетті, деп хабарлайды Azattyq Ruhy.
Бұл туралы Maghreb Arabe Press агенттігі корольдік ішкі істер министрлігіне сілтеме жасап хабарлады.
Ведомство мәліметінше, кем дегенде 5 674 адам зардап шеккен.
«Құрбандардың ең көп саны Әл-Хауз (1 684) және Тарудант (980) провинцияларында тіркелді», - делінген хабарламада.
Тақырыпқа орай: СІМ-де жойқын жер сілкінісі болған Мароккодағы қазақстандықтардың жағдайы жайлы айтты
Бұған дейін жергілікті билік 2 901 адамның қаза тапқаны және 5 530 адамның жарақат алғаны туралы хабарлаған болатын.