Қалған өңірлерде метеорологиялық ахуал тұрақты
Бүгін, 3 қыркүйекте Қазақстанның үш қаласында ауа сапасы нашарлайды, деп хабарлайды Azattyq Rýhy «Қазгидромет» РМК баспасөз қызметіне сілтеме жасап.
Мекеме мәліметінше, 3 қыркүйек, жексенбі күні Алматы Шымкент және түнде Атырау қалаларында ауа сапасы біршама нашарлайды. Ал қалған қалалардың басым көпшілігінде метеорологиялық ахуал бірқалыпты болады.
Қолайсыз метеорологиялық жағдай - атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
ҚМЖ жағдайында елді мекендердегі атмосфералық ауаның сапасы нашарлауы ықтимал.