Қызыл жалын қамтыған аудан 27 гектарды құрайды
Абай облысында «Семей орманы» резерватындағы табиғи өрт оқшауланды, деп хабарлайды Azattyq Rýhy.
ҚР ТЖМ баспасөз қызметінің хабарлауынша, қызыл жалын бүгін, 5 тамызда сағат 10:21-де оқшауланды.
«5 тамызда сағат 10:21-де «Семей Орманы» резерваты территориясындағы орман алқабының өрті оқшауланды. Резерваттың мәліметінше, қызыл жалын қамтыған аудан 27 гектарды құрайды», - делінген хабарламада.
Жағдайдың тұрақтануына байланысты ТЖМ бөлімшелері тұрақты орналасқан жерлеріне оралғаны да нақтыланады.