Бурабайдағы Көкше тауында орман өртенді

Өртті сөндіруге су ағызу құрылғысы бар Қазавиақұтқару тікұшағы тартылды

Фото: Ақмола облысы ТЖД баспасөз қызметі

Бурабайдағы Көкше тауында орман өртенді, деп хабарлайды Azattyq Rýhy.

Ақмола облысы ТЖД баспасөз қызметінің мәліметінше, оқиға 13 шілдеде сағат 16:12-де болған. Өрт шамамен 0,14 гектар аумақты шарпыды.

Өртті сөндіруге Ақмола облысы ТЖД және «Бурабай» мемлекеттік ұлттық табиғи паркінен 120-дан астам адам мен техника жұмылдырылған. Сонымен қатар су ағызу құрылғысы бар Қазавиақұтқару тікұшағы тартылды.

Нәтижесінде, сағат 18.25-те өрт оқшауланды.

Оқиға орнында Ақмола облысының әкімі Ермек Маржықпаевтың басшылығымен жедел штаб құрылды.

Мақалада

#Ақмола облысы #Бурабай #орман өрті

Алдыңғы жаңалық

30 млн теңге шығынға батырған: Атырауда туристік фирманың директоры 5 жылға сотталды