Меншік иесі жаяу жүргіншілерге арналған тротуарды басып алған
Алматыда кафе мен сауда павильондары сүріліп жатыр. Қаладағы Төле би көшесінің солтүстігінде, Момышұлы көшесінің батысындағы ғимараттар заңсыз салынған болып шықты, деп хабарлайды Azattyq Ruhy.
Қала құрылысын бақылау басқармасының мәліметінше, меншік иесі жаяу жүргіншілерге арналған тротуарды басып алып, мемлекеттік қордың жеріне жазғы кафе мен дүңгіршектерді рұқсатсыз салып алған. Бұрын учаске жалға алу құқығымен меншік иесіне тиесілі болған.
«Ұзаққа созылған сот тексерулерінен соң мамандандырылған ауданаралық экономикалық сот өз бетінше салынған құрылыстарды сүру және учаскені ортақ пайдалануға қайтару туралы шешім шығарды. Апелляциялық сот бірінші сатыдағы соттың шешімін өзгеріссіз қалдырды», - деп хабарлады қала әкімдігінің баспасөз қызметі.
Сот шешімі күшіне енгендіктен, нысандарды құлату жұмыстары жүргізіліп жатыр.