Өрттен қаза тапқан орманшылардың отбасыларына жеке жәрдемақы тағайындалады

Ол үшін Президент жанынан арнайы қор құрылады

Фото: t.me/aqorda_resmi

Мемлекет басшысы Абай облысындағы орман өртінен қаза тапқандардың отбасыларына жеке жәрдемақы тағайындалатынын айтты, деп хабарлайды Azattyq Rýhy Ақорданың баспасөз қызметіне сілтеме жасап.

«Зардап шеккен барлық отбасыға жеке жәрдемақы тағайындалады. Мен сіздерге уәде беремін. Президент жанынан арнайы қор құрылады. Зардап шеккендерге жеке көмек көрсетемін», - деді Мемлекет басшысы.

Сонымен қатар, Президент зардап шеккендердің өтініштерінің бәрі орындалатынына тоқталды.

«Атқарушылардың барлығы осында. Сіздердің барлық қажеттілігіңіз бойынша тізім жасалады. Бүгін – жексенбі, келесі аптада барлық мәселе шешіледі. Өтініштеріңіздің бәрі орындалады», - деді Қасым-Жомарт Тоқаев.

Мақалада

#Қасым-Жомарт Тоқаев #жалпыұлттық аза тұту күні #орман өрті #Абай облысы

Алдыңғы жаңалық

Мемлекет басшысы ретінде болған жағдай үшін кешірім сұраймын – Қ.Тоқаев