Бұл туралы Ирак СІМ басшысы Фуад Хусейн мәлім етті
Ирак газ кен орындарын игеруге инвестиция салуға ниетті және болашақта «көгілдір отынды» Еуроодақ елдеріне экспорттауды жолға қоюды жоспарлап отыр. Бұл туралы Ирак СІМ басшысы Фуад Хусейн Брюссельде өткен баспасөз мәслихатында айтты.
Ол Бельгия астанасына Ирак-Еуроодақ ынтымақтастық кеңесінің отырыстарына қатысу үшін келді.
«Біз ынтымақтастықтың әртүрлі тақырыптарын, соның ішінде газ және мұнай салаларын талқылаймыз. Қазірдің өзінде мұнай өндіретін ел болып табылатын Ирак газ да өндіретін болады. Біз газды ішкі нарықта пайдалану үшін газ кен орындарына инвестиция саламыз және болашақта газды басқа елдерге, соның ішінде Еуропаға экспорттаймыз деп жоспарлап отырмыз», - деді Ирак СІМ басшысы.