Құтқарушылар моторлы қайықпен малдарды жағаға алып шықты
Ақтөбе облысында құтқарушылар 110 сиыр және 12 бас жылқы малын судан алып шықты, деп хабарлайды Azattyq Rýhy.
10 наурыз күні 112 құтқару қызметіне Темір ауданы Алтықарасу ауылдық округінен 6 шақырым жерде Ойыл өзенінің ортасында «Даулет» шаруашылығына қарасты жылқы, сиыр малдары қалып қойғаны туралы хабарлама келіп түсті.
«Шақырту орнына 8 құтқарушы мен 2 техника және 1 моторлы қайық жіберілді. Құтқарушылардың жедел әрекетінің арқасында 12 бас жылқы және 110 бас сиыр құтқарылып, қауіпсіз жерге шығарылды»,- делінген хабарламада.