Ауа райының нашарлауына байланысты бірнеше өңірде жол жабылды

Бүгін ауа райының нашарлауына байланысты бірнеше өңірде жол жабылды, деп хабарлайды Azattyq Ruhy.

«ҚазАвтоЖол» АҚ баспасөз қызметінің хабарлауынша, 23 ақпанда сағат 9:15-тегі ақпаратқа сәйкес, 5 өңірде ауа райының қолайсыздығына байланысты республикалық маңызы жолдар жабық тұр.

Жол қозғалысы шектелген учаскелердің жалпы ұзындығы — 1025 шақырым немесе республикалық желінің 4,1%-ын құрайды:

• Ақтөбе облысында "Самара-Шымкент" тасжолының Ақтөбе қаласынан Қарабұтақ кентіне дейінгі аралығында және БҚО шекарасынан Маржанбұлақ кентіне дейін барлық автокөлік түрі үшін қозғалыс шектелді.
• Алматы облысында Екатеринбург – Алматы тасжолының Жамбыл облысының шекарасынан Междуреченск кентіне дейін барлық көлік түрі үшін қозғалыс шектелді;
• Жамбыл облысында Екатеринбург– Алматы тасжолы, Бурылбайтал-Ақсуйек ауылдары арасында көліктің барлық түрі үшін жол қозғалысы шектелді;
• Батыс Қазақстан облысында Самара – Шымкент тасжолының Жымпиты-Ақтөбе облысының шекарасы аралығы жүк және қоғамдық көліктер үшін жабық;
• Қарағанды облысында Екатеринбург – Алматы тасжолының Ақсу-Аюлы — Балқаш аралығы барлық автокөлік түрі үшін жабық.

Өткен түнде 1 100 м3 көктайғаққа қарсы материал пайдаланылды.