Мемлекет басшысы команда капитаны Даррен Дицқа алғыс білдірді
ҚР Президенті Қасым-Жомарт Тоқаев «Барыс» клубын ҚХЛ-дың плей-офф кезеңіндегі алғашқы жеңісімен құттықтады. Бұл туралы Президент өзінің Инстаграмдағы парақшасында жазды, деп хабарлайды Azattyh Ruhy тілшісі.
«Барыс» клубын ҚХЛ-дың плей-офф кезеңіндегі алғашқы жеңісімен құттықтаймын. Әсіресе, матч барысында Абайдың «Көзімнің қарасы» әнін орындаған команда капитаны Даррен Дицқа ерекше алғыс айтқым келеді. Жарайсың, Дәурен! Бұл жеңіс «Барыс» клубын жаңа жетістіктерге жетелесін», - деді Қасым-Жомарт Тоқаев.