Түркістан мен Жамбыл облыстары аралығындағы жол бөлігі жабылды

Түркістан және Жамбыл облыстарының аралығын жалғап тұрған жол учаскесіндегі қозғалыс шектелді, деп хабарлайды Azattyq Ruhy.

«ҚазАвтоЖол» ұлттық компаниясы хабарлағандай, жол ауа райының нашарлауына байланысты жабылған.

«Алматы – Ташкент –Термез тасжолының Айша бибі ауылынан Түркістан облысының шекарасына дейінгі аралығында және Жамбыл облысының шекарасынан Машат ауылына дейінгі аралығында қозғалысқа шектеу енгізілді», - делінген хабарламада.

Жамбыл және Түркістан облыстарында орналасқан жол бойында көліктің барлық түріне жүруге рұқсат жоқ.

Республикалық тасжолдарды күтіп ұстау жұмысына 540 арнайы техника мен 1050 қызметкер жұмылдырылды.