Биыл Қазақстаннан Ресейге және басқа елдерге қандай тауарларды экспорттауға тыйым салынады?

Қазақстаннан ағаш материалдарының кейбір түрлерін әкетуге болмайды. Asia24.media Қазақстанда, Ресейде және Орталық Азияның басқа да елдерінде шаруашылық қызметті жүзеге асыратын кәсіпкерлер үшін пайдалы тізім жасады, деп хабарлайды Azattyq Ruhy.

2023 жылы Қазақстаннан не әкетуге болмайды?

•     Қара және түсті металдардың сынықтары мен қалдықтары (тыйым 2022 жылдың 2 қарашасынан 2023 жылдың 1 мамырына дейін қолданылады).

Бұл өнімді көліктің барлық түрімен Қазақстаннан әкетуге болмайды. Сондай-ақ, пайдаланылған қорғасын батареяларын, қалдықтарды және батарея сынықтарын сыртқа шығаруға тыйым салынады.

•     Ағаш материалдарының жекелеген түрлері (2022 жылғы 9 желтоқсаннан 2023 жылғы 8 маусымға дейін).

«Ағаш өңдеу өнеркәсібін дамыту және ағаш материалдарын Қазақстан Республикасының аумағынан заңсыз кері экспорттауға жол бермеу» үшін тыйым салынды.

Тыйым салуға сәйкес, Қазақстаннан ағаш материалдарының кейбір түрлерін әкетуге болмайды. Мәселен, темір жол немесе трамвай жолдарына арналған қылқан жапырақты ағаштардан жасалған шпалдар, өңделмеген, қабығы немесе ағашы алынып тасталған ағаш материалдары, бөренелер; ағаштан жасалған бағаналар, қайралмаған, қисық емес немесе басқа тәсілмен өңделмеген ағаш материалдары, ағаш жоңқалары тағы басқа.

•     Бензин, дизель отыны және мұнай өнімдерінің жекелеген түрлері (2023 жылғы 1 ақпаннан 2023 жылғы 31 шілдеге дейін).

Бұйрыққа Энергетика, Қаржы, ішкі істер және ҚР ҰҚК қол қойған.

•     Тірі ірі қара, қой және ешкі (2022 жылғы 3 қыркүйектен 2023 жылғы 2 наурызға дейін).

Бұл ауыл шаруашылығы министрі мен ҚР Премьер — Министрінің орынбасары-Қаржы министрінің «ауыл шаруашылығы жануарларын әкетудің кейбір мәселелері туралы бірлескен бұйрығы.

•     Көмірдің жекелеген түрлері (2022 жылғы 26 қыркүйектен 2023 жылғы 25 наурызға дейін).

ҚР Индустрия және инфрақұрылымдық даму министрлігінің бұйрығы.

«Уақытша тыйым салу халыққа, коммуналдық және әлеуметтік объектілерге арналған қатты отынды Қазақстанның шекаралас аймақтарынан көрші елдерге қайта сату үшін әкету фактілерінің табылуына байланысты енгізіледі» , — делінген бұйрықта.

•     2023 жылғы 28 қаңтардан бастап Қазақстанда ауыл шаруашылығы министрінің елден пиязды әкетуге тыйым салу туралы бұйрығы күшіне енді.
• «Қазақстан Республикасының аумағынан пиязды әкетуге үш ай мерзімге тыйым салу енгізілсін», - делінген құжатта.

Пияздың экспорты оның бағасын тұрақтандыру үшін енгізіліп отыр.