Ресей экономикасының жекелеген салаларына қатысты санкциялар 31 шілдеге дейін күшін жоймайды
Еуропалық Одақ Кеңесі Украинадағы қақтығысқа байланысты енгізілген Ресейге қарсы санкциялардың барлығын ұзартты. Бұл туралы Кеңестің баспасөз қызметі мәлім етті, деп хабарлайды Azattyq Rýhy.
Осылайша, Ресей экономикасының жекелеген салаларына қатысты санкциялар 31 шілдеге дейін ұзартылды.
Ресейдің Украинадағы тұрақсыздандыру әрекеттеріне реакция ретінде 2014 жылы алғаш рет енгізілген санкциялар 2022 жылдың ақпанынан бастап едәуір кеңейтілгені атап өтілді.
Сонымен бірге, бүгін Венгрия Премьер-министрі Виктор Орбан Венгрия Ресейдің атом энергетикасына Еуропалық Одақтың (ЕО) санкцияларының енгізілуіне жол бермеуге ниетті екенін мәлімдеді.
Сонымен қатар, Орбан ЕО-ның Ресейге қарсы санкцияларына байланысты Венгрияның шығындары 2022 жылдың қорытындысы бойынша шамамен 10 млрд еуро болатынын атап өтті. Оның айтуынша, бұл барлық Венгрия азаматтары төлейтін жиынтық жеке табыс салығы сияқты.