Жамбыл облысында киік атқан ауыл тұрғындары ұсталды
Күдіктілерден тіркелмеген 2 мылтық тәркіленді
Жамбыл облысында рейдтік іс-шара барысында киік атқан ауыл тұрғындары ұсталды, деп хабарлайды Azattyq Rýhy.
«13 қаңтар күні сағат 20:00 шамасында «Охотзоопром» ӨБ» РМҚК «Андасай» қаумалының инспекторлары мен Жамбыл облыстық орман шаруашылығы және жануарлар дүниесі аумақтық инспекциясымен бірлескен рейдтік іс-шара барысында Мойынқұм ауданы Құрманшейіт қыстауынан ақбөкенді заңсыз атқан Ұланбел ауылының екі азаматы ұсталды», - деп көрсетті Орман шаруашылығы және жануарлар дүниесі комитетінің баспасөз қызметі.
Күдіктілерден мотоцикл және тіркелмеген 2 аңшы мылтығы тәркіленді.
Аталған факт бойынша тергеу амалдары жүргізілуде.
Көп оқылған
05.05.2026, 11:41
«Бәрін соттатамын»: танымал блогер оның ЖИ-видеосын таратқандарға шүйлікті (ВИДЕО)
05.05.2026, 15:12
«Анасына оңай болған жоқ»: Солтүстік Қазақстанда бір үйдің үш ұлы бірдей әскерге кетіп қалған
05.05.2026, 09:14
«32 пәтер, 11 көлік, 8 тұрғын үй»: «Интерфармсервис» мемлекеттен 3,7 млрд теңге жымқырған
