Өрттің ауданы 50 шаршы метрді құрады
Маңғыстау облысы Төтенше жағдайлар департаментінің мәлімдеуінше Техникалық қызмет көрсету станцияларының бірінде болған жарылыста бір әйел қаза тапты. Бұл туралы Azattyq Ruhy Lada.kz-ке сілтеме жасап хабарлайды.
Ақтауда 12 қаңтар күні сағат 18:20 шамасында өрт шығып, алты тұрмыстық газ баллоны жарылды. Қызыл жалынды сөндіру барысында өрт сөндірушілер тағы 17 газ баллонын шығарып үлгерді.
Өрт 18:48-де жойылды. Өрттің ауданы 50 шаршы метрді құрады.
«Оқиға барысында бір жұмыскер қайтыс болды, тағы үш адамды күйік шалып, Маңғыстау облыстық ауруханасына жатқызылды. Өрттің себебі анықталуда», - деп түсіндірді өңірдің ТЖД баспасөз қызметі.
Ведомствоның баспасөз қызметі 25 өрт сөндіруші-құтқарушы, алты өрт техникасы жұмылдырылғанын айтты. Бұл жерге Апаттар медицинасы орталығының қызметкерлері де қатысты.