Алматыда кешеден бері толассыз қар жауды
Алматы қаласында мектеп оқушылары мен колледждің 1-2-курс студенттері онлайн оқу форматына ауысты. Бұл туралы қалалық Білім басқармасы мәлім етті, деп хабарлайды Azattyq Ruhy.
«Алматы қаласының Білім басқармасы ауа райының қолайсыздығына байланысты 2023 жылғы 12-13 қаңтарда 0,1-11 (12) сынып оқушылары мен колледждердің I, II курс студенттері қашықтан оқыту талаптары мен ережелеріне сәйкес қашықтан оқытуға көшетінін хабарлайды», - делінген хабарламада.
Айта кетейік, Алматыда кешеден бері толассыз қар жауды. Қалада қардың қалыңдығы 15 см, таулы жерлерде 20-25 см-ге жетті.