Бұған ауа райының қолайсыздығы мен ұшақтың кешігіп келуі себеп болып отыр
Астана халықаралық әуежайы қазіргі уақытта штаттық режимде жұмыс істеп жатыр. Бұл туралы әуежайдың баспасөз қызметінен хабардар етті, деп хабарлайды Azattyq Ruhy.
«Ұшып келуге тиіс 13 рейс, ұшып шығуға тиіс 6 рейс кейінге қалдырылды. Бұған ауа райының қолайсыздығы мен ұшақтың кешігіп келуі себеп болып отыр. Әуежайда, оның ішінде ұшу-қону жолағында да қар тазалау жұмыстары үздіксіз жүргізіліп жатыр», - деп хабарлады әуежайдан.
Әуежай өкілдері жолаушылардан өзекті ақпаратты call-орталықтарынан, сондай-ақ әуежайлардағы анықтама қызметтерінен біліп отыруды сұрайды.