Қазақстан бойынша пиротехникалық құралды қолданған 15 адам күйіп қалған
Елімізде жаңа жылдық отшашу кезінде кәмелетке толмаған 6 бала зардап шекті, деп хабарлайды Azattyq Rýhy
Ішкі істер министрлігінің мәліметінше, жаңа жыл қарсаңында отшашуды қолдану кезінде күйік алудың 15 фактісі тіркелген, оның ішінде зардап шеккен 6 кәмелетке толмаған бала бар.
Мысалы, елордада 1 қаңтарда түнде үйдің ауласында ер адам екі кәмелетке толмаған баласымен бірге отшашуды қолданған кезде ерні мен қолы күйіп қалған.
Тағы бір оқиға Астанада Нәжімеденов көшесінде болды. Пиротехниканы дұрыс қолданбау салдарынан балкон өртенген. Зардап шеккендер жоқ.