Ұлытау облысында газ баллоны жарылып, 16 адам зардап шекті

Ұлытау облысында газ баллоны жарылып, 16 адам зардап шекті. Бұл туралы облыстық төтенше жағдай қызметі мәлім етті, деп хабарлайды Azattyq Rýhy.

"Бүгін Жаңаарқа кентіндегі үйлердің бірінің моншасында газ баллоны жарылды. Салдарынан 50 шаршы метр аумақта өрт болды", - делінген хабарламада.

Алдын ала мәліметке сәйкес, оқиға болған үйде ас берген. Жарылыс салдарынан 16 адам зардап шекті, олардың 8-і ауруханаға жатқызылды, біреуінің жағдайы ауыр. Сегіз адам үйіне жіберген.

Қауіпсіздік техникасы өрескел бұзылған. Газ баллонын аяздан әкеліп, жылыту құрылғысының жанына қойған.