2013 жылдың өзінде бұл нысан 1,2 млрд долларға бағаланған
Ресейдің Федералды монополияға қарсы қызметі Қазақстандағы «М Холдинг Лтд» компаниясына америкалық Morgan Stanley қорынан Мәскеудегі «Метрополис» сауда ойын-сауық орталығын сатып алуға рұқсат берді. Оның 2013 жылы сауда орталығын сатып алу туралы келісімі Ресейдің коммерциялық жылжымайтын мүлік нарығының тарихындағы ең ірі мәміле болды, деп хабарлайды Azattyq Ruhy Forbes-ке сілтеме жасап.
Басылымның ақпаратында Morgan Stanley Real Estate Investing жылжымайтын мүлікке инвестиция салу жөніндегі америкалық қор қазақстандық әзірлеуші Capital Partners компаниясынан 2013 жылы сатып алған «Метрополис» СОСО-ны сату туралы келіссөздер жүргізіп жатқаны туралы айтылған. Бұл туралы Bloomberg-ке қыркүйекте ақпараттандырылған дереккөздер хабарлаған.
Сол сияқты олар Украинадағы «арнайы әскери операцияның» Ресейдегі халықаралық компаниялар активтерінің құнына әсерін ескере отырып, «Метрополисті» үлкен жеңілдікпен кері сату туралы айтып отырғанын атап өтті.
Forbes-тің хабарлауынша америкалық қор 2013 жылы «Метрополисті» сатып алғанын жариялады, бұл «Ресейдің коммерциялық жылжымайтын мүлік нарығы тарихындағы ең ірі» сауда болған, 2013 жылдың өзінде нысан 1,2 млрд долларға сатылған.
Басылым мәліметіне сүйенсек, «Метрополис» СОСО 2009 жылы Мәскеудегі Ленинград тасжолында ашылды, оның жалпы ауданы 205 000 шаршы метрді құрайды, жалға алынғаны – 80 000 шаршы метр. «Метрополис» Ресейдегі Morgan Stanley-дің екінші премиум нысаны болды.