Қарағанды және Павлодар облыстарында боран соғып, жол көрінбей қалуда
Ауа райының бұзылуына байланысты бірқатар өңірде жол жабылды, деп хабарлайды Azattyq Rýhy «ҚазАвтоЖол» компаниясына сілтеме жасап.
«ҚазАвтоЖол» компаниясының мәліметінше, Қарағанды облысында «Қызылорда-Павлодар» тасжолының 1065-1135 шақырым аралығы, Молодежный ауылынан Павлодар облысының шекарасына дейінгі учаске жабық.
Оған боран мен жолдың көрінбеуі себеп болды.
Сондай-ақ Павлодар өңірінде «Қызылорда-Павлодар» тасжолының 1135-1206 шақырымы, атап айтқанда Қарағанды облысы шекарасынан Шідерті ауылына дейінгі аралығы жабылды.