Бүгінде нысанды мемлекет меншігіне өткізу мәселесі әлі қаралып жатыр
Премьер-министрдің орынбасары – Сауда және интеграция министрі Серік Жұманғарин Екібастұз ЖЭО-ы мемлекет меншігіне қашан өтетінін айтты, деп хабарлайды Azattyq Ruhy.
Оның айтуынша, Екібастұз ЖЭО-ы мемлекет меншігіне әлеуетті өткізу мәселесі әлі қаралып жатыр.
«Мұндай шешімдерді қабылдамас бұрын, алдымен бар жағдайын зерттеу керек. Егер ол мемлекетке көтере алмас ауыртпалық болатын болса, онда біз шын мәнінде, нысанды өзімізге алу арқылы оның иесіне сыйлық жасаған болар едік. Және ол нысанға көп қаржы құюға тура келеді. Сондықтан алдымен жағдайды бірігіп түзеу мәселесін қарастыру керек», - деді Серік Жұманғарин.