Қазгидромет мәліметінше, көптеген аймақта тұман түседі деп күтілуде
Қазгидромет 3 желтоқсанда ауа райына байланысты бірнеше өңірде ескерту жариялады, деп хабарлайды Azattyq Rýhy.
Түнде және таңертең Батыс Қазақстан облысының солтүстігінде тұман түседі.
Ақмола облысының оңтүстігінде, шығысында жаяу бұрқасын соғады. Солтүстік-шығыстан жел соғады, облыстың оңтүстік жартысында екпіні 15-20 м/с күтіледі.
Алматы облысының оңтүстігінде және таулы аудандарында тұман түседі. Алматы қаласында да түнде және таңертең тұман болады.
Ақтөбе облысының орталығында, шығысында солтүстік-шығыстан жел соғады, екпіні 15 м/с жетеді.
Түркістан облысының оңтүстігінде, батысында, таулы және тау бөктерлі аудандарында тұман болжанады. Солтүстік-шығыстан жел соғады, күндіз таулы аудандарда 15-20 м/с.
Шымкент қаласында түнде және таңертең кей уақытта тұман күтіледі.