Еуропада дауыс беру әлі де жалғасып жатыр

Францияда сайлаушылардың жартысы – туристер. Ал Германияда 3 сайлау учаскесі ашылған. Олар Берлинде, Мюнхен және Майндағы Франкфурт қаалсында жұмыс істеп тұр, деп хабарлайды Azattyq Ruhy «Хабар 24» телеарнасына сілтеме жасап.

Жалпы неміс елінде 300-ден аса сайлаушы тіркелген. Дипломаттар мен олардың туыстары өз таңдауын жасаған. Қазақстандық студенттер де белсенділік танытып жатыр. 

«Дауыс беру үшін Саксония Анхальт федералдық жерінен Берлинге екі сағаттай жол жүріп келдім. Мен Гёттенде оқимын. Жақында ғана 18-ге толдым. Сондықтан дауыс беруге осында келіп отырмын», - дейді студент Еңлік.

Ал Румынияда сайлау учаскесінде дауыс беруге келгендер үшін қазақтың дәстүрлі тағамдары ұсынылды. Мұнда 130 сайлауші тіркелген.