ҚР Премьер-Министрі Әлихан Смайылов кезектен тыс президент сайлауында дауыс берді. Бұл туралы Azattyq Ruhy Sailau 2022 Telegram каналына сілтеме жасап хабарлайды.
ҚР Премьер-министрі Әлихан Смайылов Астанадағы ҚР Ұлттық кітапханасының ғимаратында орналасқан №111 сайлау учаскесінде дауыс берді. Журналистердің сұрақтарына жауап бере отырып, ол бірден өз таңдауын бірден жасағанын атап өтті. Ол сондай-ақ республиканың барлық азаматын сайлау учаскелеріне барып, өз таңдауын жасауға шақырды.
«Бүгін еліміздегі маңызды іс-шара – Президент сайлауы. Бүгінгі күн мемлекетіміздің жеті жыл ішінде қалай дамитынын көрсетеді. Сондықтан әр азамат өз учаскесіне барып, дауыс беруі өте маңызды. Егер біз еліміздің дамығанын, өркендегенін қаласақ, азаматтық жауапкершілік танытып, Мемлекет басшысының лауазымына ең мықты кандидатураны таңдауымыз керек. Мен өз таңдауымды жасадым. Ол мықты әрі әділ Қазақстан үшін. 7 жылдан кейін мен әділ Қазақстанды көремін: әділ экономика, қоғам. Бұл үшін барлық мүмкіндік, саяси ерік бар. Егер осымен жұмыс істесек, алға қойған мақсаттарымызға қол жеткіземіз», - деді Премьер-министр.
Айта кетейік, елімізде дауыс беруге арналған 10 101 учаске бар. Оның ішінде Қазақстан Республикасының шет мемлекеттердегі өкілдіктерінде 53 елде 68 учаске бар.