Жыл басынан бері елімізде 2,5 мыңға жуық есірткі қылмысы анықталды

Жыл басынан бері барлық құқық қорғау және арнайы органдары бірлесіп, 2,5 мыңға жуық есірткі қылмысын анықтаған, деп хабарлайды Azattyq Ruhy.

Орталық коммуникациялар қызметі алаңында «Қарасора-2022» жедел алдын алу іс-шарасының нәтижелерімен таныстырған ҚР ІІМ Есірткі қылмысына қарсы іс-қимыл департаментінің бастығы Бақытжан Әмірхановтың айтуынша, есірткі қылмысының 60%-ы немесе 1,5 мыңы сатуға байланысты анықталған. 

«Жалпы 12,7 тонна есірткі тәркіленді. Оның ішінде героин – 33 кг, апиын – 68 кг, синтетика – 507 кг, гашиш – 705 кг, марихуанна – анаша дейміз, 4 тоннадай, қалғаны канабис секілді өсімдік түрлері», - деді Бақытжан Әмірханов.

Сондай-ақ 4 ұйымдасқан қылмыстық есірткі тобының жұмысы тоқтатылған.

«Ұйымдасқан қылмыстық топтың 32 белсенді қатысушысы жауапкершілікке тартылды. Олар 13 ауыр есірткі қылмысын жасаған», - деді Б. Әмірханов.