$ 498.34  519.72  4.85
ҚАЗ
×
Бұл желілік ресурстың ақпараттық өнімдері 18 жастан асқан адамдарға арналған.

Шахтадағы апат: дәрігерлер ауруханаға жеткізілген кеншілердің жағдайы туралы айтты

Науқастар жансақтау бөлімінде жатыр

 

Шахтадағы апат: дәрігерлер ауруханаға жеткізілген кеншілердің жағдайы туралы айтты
Фото: ашық дереккөзден

Қарағанды ​​облысында шахтадағы жарылыстан кейін ауруханаға жатқызылған «АрселорМиттал Теміртау» компаниясының кеншілерінің жағдайы жақсарып келеді. Бұл туралы профессор Мақажанов атындағы көпсалалы аурухана директорының емдеу ісі жөніндегі орынбасары Талғат Жүкен айтты, деп хабарлайды Azattyq Ruhy.

4 қарашадағы мәлімет бойынша, зардап шеккен төрт адамның екеуі токсикология бөлімінде жатыр. Дәрігерлер олардың жағдайын тұрақты, оң өзгеріс бар деп бағалап отыр.

«Уланудан басқа, түрлі ауырлықта жарақаттар алған екі адамға ота жасалды. Олар жедел жәрдем арқылы жеткізілді, ота жасалған науқастардың жағдайы да бүгінде оң өзгеріске ие. Науқастар жансақтау бөлімінде жатыр. Естерін біледі, тыныс алу аппаратынан шығарылған. Науқастардың жағдайын ауыр тұрақты деп бағалауға болады», - деді Талғат Жүкен.

Тақырыпқа орай: Қарағанды облысындағы шахтада қаза тапқандардың аты-жөні жарияланды

Еске салайық, 3 қарашаға қараған түні Шахтинск қаласындағы Ленин атындағы шахтада газ дренаждық ұңғымаларды бұрғылау кезінде кенеттен газ атқылап, соның салдарынан бес адам қаза тапты. Полиция апатқа қатысты тергеуді бастады.

Серіктес жаңалықтары