20 қазан күні кандидат Қ.Әбден штабының ұйымдастыру комитетінің бірінші отырысы өтті
21 қазан күні сағат 18.00-ден бастап Қазақстан Республикасының Президенттігіне кандидат Қарақат Әбден еліміздің барлық өңірінде офлайн және онлайн үгіт-насихат науқанын бастады, деп хабарлайды Azattyq Ruhy.
20 қазан күні ҚР Президенттігіне кандидат Қ.Әбден штабының ұйымдастыру комитетінің бірінші отырысы өтті, онда өңірлердегі үгіт-насихат науқанының бағдарламасы, іс-шаралар жоспары бекітілді. Сондай-ақ, қатысушылар әр аймаққа саяхат жоспарын, кандидаттың сайлауалды бағдарламасының егжей-тегжейін талқылады.
Кандидат Қ. Әбденді қолдайтын қоғамдық штаб www.abden.kz ресми сайтын ашты. Әлеуметтік желілердегі аккаунттар жұмыс істейді (https://www.facebook.com/abdenova.karakat және https://www.instagram.com/abdenkarakat/), онда штабтың іс-шаралары, сайлаушылармен кездесулер және өзге де үгіт-насихат материалдары туралы барлық ақпарат жарияланады.
Сондай-ақ, штаб Астана қаласының LED-экрандарында үгіт-насихат материалдарын іске қосты, өңірлерде тарату үшін парақшалар дайындады, телеарналарда трансляциялау үшін үгіт-насихат бейнеролигі жүргізілді.
Естеріңізге сала кетейік, қоғам қайраткері Қарақат Әбден «Кәсіби әлеуметтік қызметкерлердің ұлттық альянсы» РҚБ-дан Қазақстан Республикасының Президенті лауазымына кандидат болып ұсынылды.